Təhlükəsizliyi Visa tərəfindən təmin edilmiş onlayn alış-veriş
Təhlükəsizliyi Visa tərəfindən təmin edilmiş onlayn alış-veriş
Əsas məqsədimiz sizi qorumaqdır
Əsas məqsədimiz sizi qorumaqdır
Əminliklə onlayn alış-veriş edin
Masaüstü, mobil və ya digər rəqəmsal cihazdan istifadə etməyinizdən asılı olmayaraq, Visa iştirakçı ticarətçi saytlar vasitəsilə onlayn alış-veriş zamanı əlavə qoruma səviyyəsi təmin edən xidmət təklif edir. Bu xidmət emitentinizə kimliyinizi təsdiq etməkdə kömək edir və ən önəmlisi, sizi saxtakarlıqdan qoruyur.
Visa kartınızla iştirakçı ticarətçi saytlarda onlayn alış-veriş edərkən aşağıdakı imkanları əldə edirsiniz:
Visa kartınızla iştirakçı ticarətçi saytlarda onlayn alış-veriş edərkən aşağıdakı imkanları əldə edirsiniz:
Saxtakarlıqdan mühafizə
Onlayn alış-veriş edərkən kartınızdan icazəsiz istifadənin qarşısını alan əlavə qoruma səviyyəsindən faydalanın.
İstifadəçiyə uyğunluq
Sizdən kimliyinizi təsdiq etmək tələb edilən təqdirdə sadə və təhlükəsiz əsllik yoxlamasını təcrübədən keçirin*.
Qlobal səviyyədə qəbul edilib
Proqram təminatı yükləməyinizə və ya hesab qeydiyyatdan keçirməyinizə ehtiyac olmadan dünya miqyasında iştirakçı onlayn ticarətçilər və emitentlər ilə təhlükəsiz alış-veriş edin.
*Sizin üçün əlçatan olan əsllik yoxlaması seçimləri haqqında təfərrüatlar üçün kart emitentiniz ilə əlaqə saxlayın.
Tez-tez verilən suallar
Tez-tez verilən suallar
Həm kredit, həm də debet kartımdan istifadə edə bilərəmmi?
Bəli. Bu xidmət onlayn alış-veriş edən zaman həm Visa kredit, həm də debet kartı üçün nəzərdə tutulub. Visa debet kartınızdan istifadə etdiyiniz zaman onlayn tranzaksiya təcrübəniz kredit tranzaksiyasına oxşar olacaq, PIN kodu daxil etməyə ehtiyac olmayacaq.
Bu xidmətdən istifadə etmək üçün mənə yeni Visa kartı lazımdır?
Xeyr. Kartınızı verən maliyyə təşkilatı bu Visa Secure proqramında iştirak etdiyi müddətdə hazırkı Visa kartınızdan istifadə edə bilərsiniz. Əlavə məlumat üçün emitentinizin vebsaytına baş çəkin.
Onlayn satınalmamın bu əlavə qorumaya malik olub-olmadığını necə biləcəyəm?
Bu xidmət iştirakçı ticarətçilər ilə sifariş ödənişi zamanı avtomatik olaraq işləyir. Unutmayın ki, bu əlavə qorumanı əldə etmək üçün nəyisə yükləməyə, proqram təminatı quraşdırmağa, yaxud hesabınızı qeydiyyatdan keçirməyə ehtiyac yoxdur. Bu xidmətdən istifadə etdiyiniz zaman sifarişinizin ödənişini edərkən sizdən ara-sıra kimliyinizi təsdiqləmək tələb edilə bilər, ancaq bu, sizin kimliyinizdən əmin olmaq və sizi saxtakarlıqdan qorumaq üçün lazımdır.
Alış-verişi bitirdiyimdə nə baş verir?
Tranzaksiyanı tamamladıqdan sonra əlavə əsllik yoxlaması tələb edilərsə, sizdən kimliyinizin təsdiqlənməsi tələb edilə bilər. Onlayn alış-veriş edərkən xüsusi təhlükəsizlik tədbirlərinin görülməsi önəmlidir. Bu əlavə təsdiqləmə addımı kartınızdan istifadə edən şəxsin siz olduğunuzdan əmin olmağa kömək edir.
Bu əlavə təsdiqləmə ilə üzləşdiyim halda, hansı əlavə yoxlama baş tutacaq?
Visa kartınızı vermiş olan maliyyə təşkilatı birdəfəlik şifrə, yaxud biometrik məlumatlar kimi kimliyinizi təsdiqləməyə kömək edən bir çox vasitələrə malikdir. Bu əlavə addımla qarşılaşdığınız halda, kimliyinizi təsdiqləmək üçün sadəcə olaraq ekranınızdakı göstərişlərə əməl edin.
Əlavə yoxlamadan keçən zaman Visa-nın loqosunu görürəm. Bu, nə üçündür?
Bu əlavə təsdiqləmə addımı ilə qarşılaşdığınız halda, maliyyə təşkilatınızın kimliyinizi təsdiqləyə bilməsi üçün Visa ona marşrut məlumatı üzrə köməklik göstərir. Visa-nın oradakı loqosu köçürülmənin təhlükəsiz və etibarlı olduğundan sizi arxayın etmək üçündür.
Mən “Visa tərəfindən təsdiqlənib” xidmətini vebsaytınızda görürdüm. Bu, fərqli bir xidmətdir?
Xeyr. Visa tərəfindən təsdiqlənib adı artıq istifadədə olmasa da, sizi qorumağa kömək etmək üçün eyni texnologiyadan istifadə edilir. Əslində, tranzaksiyaları daha təhlükəsiz və istifadəçi təcrübəsini daha etibarlı etmək üçün bu xidmət son zamanlarda təkmilləşdirilib.